As beirarrúas da travesía interior de Tenorio serán o dobre de anchas
Por Redacción
A travesía interior de Tenorio será completamente humanizada. Contará con unha senda peonil de 1,5 metros e vaise a mellorar o firme, regular o estacionamento e renovar a estética de toda esta contorna. Así o avanzou o alcalde de Cerdedo-Cotobade, Jorge Cubela.
A actuación nesta travesía, conformada polo antigo treito da N-541 e que actualmente configúrase como a arteria principal da parroquia, permitirá duplicar a anchura das beirarrúas, favorecer o tránsito peonil, mellorar a súa imaxe e funcionalidade e modernizar os servizos.
Na obra, que executará a empresa pontevedresa COVSA, vanse investir 800.000 euros e está cofinanciada ao 70% pola Xunta de Galicia, que aporta 550.000 en virtude dun convenio de colaboración entre o Concello e a Axencia Galega de Infraestruturas.
"Cremos que esta importante actuación vai permitir a renovación estética e funcional da zona, unha maior confortabilidade dos peóns, a mellora da seguridade viaria e un maior dinamismo á mobilidade interna da parroquia", explicou Cubela.
O proxecto pretende corrixir a actual situación deste vial, que conta cunha calzada de 9 metros -con carrís de 3,10, aparcadoiros de 2,20 e beiravías de 30 centímetros- que xa nota o desgaste e cunhas beirarrúas con anchura variable de entre 70 centímetros e 1,10 metros que se atopan moi deterioradas.
Por iso, a actuación consistirá na demolición das beirarrúas actuais e a construción dunha senda peonil cunha anchura estable de 1,50 metros que se acometerá cunha pavimentación coreada con 15 centímetros de altura e bordo de protección.
Tamén se levantarán dous muros de contención, nas zonas da parada de bus e a afectada por un fluxo de auga, para reforzar a seguridade, renovarase o firme da calzada, instalarase nova sinalización, pintaranse pasos de peóns con sinais táctiles e haberá melloras nos servizos.
Esta obra vai beneficiar á practica totalidade da travesía, xa que se modernizará un amplo treito de 1.400 metros, quedando os 600 restantes para unha segunda fase.
Relacionadas:
-
Inxección de 440.000 euros para completar a humanización da travesía de Tenorio
Por Natalia Puga & Cristina Saiz |
-
O asfaltado da pista entre Viascón e Parada, obra prioritaria en 2021
Por Redacción |
-
Avanza a bo ritmo a humanización da travesía de Tenorio
Por Redacción |
-
A conselleira de Infraestruturas supervisa as obras de mellora da seguridade viaria na travesía de Tenorio
Por Redacción |
-
Cubela, molesto co Goberno central, pide un pacto entre municipios para reclamar melloras de seguridade viaria na N-541
Por Redacción |
-
A senda peonil de Tenorio estará en construción neste mesmo ano
Por Redacción |
-
Luz verde para unha senda peonil de 800.000 euros en Tenorio
Por Redacción |
-
Un convenio permitirá acometer a reforma da travesía interior de Tenorio ao longo de 2020
Por Redacción |