Dúas empresas compiten por deseñar a APP do transporte a demanda de Pontevedra
Por Redacción
Dúas empresas, unha de Madrid e unha UTE con maioría galega, son as que optan ao contrato para crear a aplicación informática que rexerá o transporte a demanda de Pontevedra.
A mesa de contratación celebrada no Concello de Pontevedra analizou as ofertas presentadas, por unha banda, por Innopulse Asesores Tecnológicos (Madrid) e, pola otra, pola UTE Demesix-Sicom-Zitycard, formada por compañías galegas e de Zaragoza.
Esta aplicación informática ten que determinar como vai funcionar o mecanismo de transporte a demanda. A licitación deste contrato sae por un importe de 297.460 euros e conta cun prazo de execución de 21 meses.
Ademais deste contrato para crear a APP de xestión, a posta en marcha do transporte a demanda de Pontevedra inclúe unha segunda licitación para as propostas de explotación, á que cinco empresas achegaron as súas ofertas.
Este segundo contrato ten un orzamento de 102.850 euros e un prazo de execución de once meses, segundo informa o goberno municipal.
Optan a el as empresas Consultora Alomon, Eptisa Servicios de Ingeniería, Iceacsa Consultores, Idvia 2020 Horizonte 2020 e a UTE Mcrit - Seteoitavas Coop.G.
O proxecto terá que analizar como se comporta a mobilidade -sobre todo nas parroquias- para poder buscar solucións acaídas, tanto no que ten que ver coa fórmula técnica como coas fórmulas legais.
O Concello prevé que ambos contratos estean adxudicados antes de finais de ano, logo de que a súa licitación estivese parada con motivo da pandemia da COVID-19.
Relacionadas:
-
A plataforma de transporte compartido a demanda funcionará a finais de 2022 para dar servizo ao rural
Por Redacción |
-
Unha cambadesa premiada pola súa app de xogos para motivar a nenos hospitalizados a facer exercicio
Por Redacción |
-
Tecnoloxía galega e aragonesa para a APP do transporte a demanda de Pontevedra
Por Alejandro Espiño |
-
O estudo para o transporte a demanda en Pontevedra estará feito a finais de 2021
Por Alejandro Espiño |
-
Cinco empresas optan a realizar o estudo e proposta de explotación do transporte a demanda de Pontevedra
Por Redacción |
-
Sacan a licitación dous trámites que poñen máis preto o proxecto de transporte a demanda
Por Natalia Puga |
-
O estudo do transporte a demanda incluirá unha análise completa da mobilidade no rural
Por Alejandro Espiño |