Ponte Caldelas recupera os 'sábados de música acuática' na fonte da Praza de España
Por Redacción
O Concello de Ponte Caldelas programa para este sábado 8 de agosto un espectáculo de música acuática, tal e como denominan desde o municipio o xogo de luces e auga que se proxectará desde as fontes da Praza de España, acompañado de música.
O espectáculo comezará trala actuación de flamenco que terá lugar na Alameda, dentro do ciclo ‘Noites de Terraza’.
"A mellor fonte de Galicia volverá irradiar enerxía a veciños e visitantes cos seus chorros multicor que danzan ao son da música", comentan desde o Goberno local.
O acompañamento musical estará formado por pezas pertencentes á Marcha dos Toureiros, da ópera Carmen de Georges Bizet; a Marcha Imperial da banda sonora da película Star Wars; Carmina Burana de Carl Orff; Amor Bruxo de Manuel de Falla; e o vals Danubio Azul de Johann Strauss.
Esta iniciativa está inspirada nos espectáculos que se realizan arredor doutras fontes luminosas de referencia en cidades de todo o mundo. Segundo indican desde o Concello, a fonte de Ponte Caldelas é a que conta coa mellor dotación de toda Galicia "ao dispor da última tecnoloxía tanto en impulsión como en iluminación led embutida no propio chorro, así como en software de programación".
A fonte luminosa inaugurábase en marzo de 2019 pero, por mor da pandemia do coronavirus, houbo que interromper as actividades festivas ao redor deste elemento.
Relacionadas:
-
Ponte Caldelas ten ganas de 'Noites de Terraza'
Por Redacción |
-
En Ponte Caldelas, despois de 'Dores', unha semana de actividades para a poboación infantil
Por Redacción |
-
Programa especial en substitución das 'Festas dos Dolores' de Ponte Caldelas
Por Redacción |
-
O Concello de Ponte Caldelas presenta ao sector local a web que facilitará o comercio electrónico
Por Redacción |
-
A fonte luminosa de Ponte Caldelas pasa ao 'lado escuro'
Por Redacción |
-
VÍDEO.- Primeiro "sábado de música acuática" na nova fonte de Ponte Caldelas
Por Redacción |
-
Ponte Caldelas prepara o seu primeiro 'sábado de música acuática' ao redor da fonte luminosa
Por Redacción |