Soben a dúas as persoas hospitalizadas por Covid na área sanitaria, nunha xornada con tres novos positivos
Por Diego Espiño
Despois dunha xornada de transición na que non se experimentaron cambios no balance de afectados por coronavirus na área sanitaria, as cifras volven subir este xoves 30 de xullo en Pontevedra e O Salnés.
Tres novos positivos rexistrados sen que se producisen altas epidemiolóxicas provocaron un incremento do mesmo número nos 'casos activos', que pasan a ser de 23.
Ademais, unha nova persoa foi ingresada en planta no Hospital de Montecelo, pasando a ser dous os pacientes positivos en Covid que precisan de atención médica. O resto de 21 afectados evolucionan nos seus domicilios.
Ao non procudirse altas con respecto ao día anterior, o número de persoas que superaron o virus na área sanitaria mantense en 912, mentres que son 16 os falecementos asociados á pandemia.
A nivel autonómico prosegue o aumento de positivos xa que na última actualización o número de casos activos de coronavirus en Galicia é de 260, polos 249 da xornada anterior. Deles 76 son da área da Coruña, 80 da de Lugo, 7 da de Ourense, 23 da de Pontevedra, 49 da área de Vigo, 23 da de Santiago, e 2 da de Ferrol.
Do total de pacientes positivos, 1 está en UCI, 9 en unidades de hospitalización e 250 no domicilio. Por agora, en Galicia hai un total de 11.262 persoas curadas, rexistrándose 619 falecementos.
O número de PCR realizadas é de 248.544.
Relacionadas:
-
Dous novos positivos sitúan en 25 os casos activos de COVID-19 en Pontevedra
Por Alejandro Espiño |
-
Xornada sen cambios no balance de Covid-19 na área sanitaria: sen novos positivos e con 20 casos activos
Por Diego Espiño |
-
Os casos activos de Covid soben a 20 en Pontevedra e O Salnés tras rexistrarse dous novos positivos
Por Diego Espiño |
-
Un novo positivo e dúas altas reducen a 18 os casos activos de coronavirus na área sanitaria
Por Diego Espiño |
-
Sete positivos e un paciente ingresado en Montecelo no terceiro día de escalada de casos de Covid na área sanitaria
Por Diego Espiño |
-
Os casos de Covid-19 dispáranse na área sanitaria, con 5 novos positivos e 15 casos activos
Por Diego Espiño |
-
Repunte de casos de Covid na área sanitaria, con 4 positivos rexistrados nas últimas horas e 11 casos activos
Por Diego Espiño |