Primeiras inspeccións en Sanxenxo e Portonovo para controlar o lecer nocturno 'post-covid'
Por Redacción
Dezasete puntos da xeografía galega foron os lugares escollidos polos axentes da Policía Autonómica para comprobar, ao longo da fin de semana, o grao de cumprimento das medidas establecidas polas autoridades ante a reapertura das discotecas e pubs nocturnos.
Os controis establecidos pola Policía Autonómica, entre outros puntos, realizáronse nos principais locais da movida nocturna de Sanxenxo e Portonovo.
Os axentes, repartidos en varias quendas, revisaron que todos estes establecementos estivesen a cumprir as medidas vixentes para frear a expansión da COVID-19.
En total, realizáronse 73 inspeccións en toda Galicia. Nelas foron identificadas 65 persoas, entre outras cousas, por no levar a máscara de protección obrigatoria, e levantáronse 35 actas de infracción contra os establecementos por diversos incumprimentos da normativa.
Segundo informa a Xunta de Galicia, os axentes detectaron irregularidades en materia de hixiene, aforo ou acondicionamento dos locais.
Relacionadas:
-
Sanxenxo intensificará a vixilancia nos bares de copas para garantir o cumprimento das normas sanitarias
Por Redacción |
-
As normas sanitarias e a falta de control nas prazas lastran a reapertura do lecer nocturno
Por Manu Otero |
-
As máscaras serán obrigatorias en discotecas e locais de lecer nocturno
Por Alejandro Espiño |