Os concellos reciben a subvención da Xunta para contratar persoal dedicado á prevención de incendios
Por Redacción
A Xunta fai pública a resolución do programa de axudas Aprol Rural que permitirá aos concellos a contratación de persoal para realizar traballos de prevención e extinción de incendios.
Na comarca de Pontevedra contrataranse a oito persoas desempregadas: tres en Cerdedo-Cotobade, dous na Lama, un en Ponte Caldelas e outro en Campo Lameiro. Desde a Consellería de Emprego puntualizan que Marín tamén poderá acceder a estas subvencións, que destina un total de 115.700 euros aos municipios da área.
Na comarca do Salnés serán contratados o mesmo número de traballadores repartidos do seguinte modo: dous en Sanxenxo, dous en Meaño, dous en Ribadumia, un en Meis e outro no Grove; o que supoñerá un investimento de 110.000 euros.
Cun operario máis contarán na comarca de Caldas, na que se investirán 125.000 euros. Moraña e Valga poderán contratar a dous traballadores, mentres que Cuntis, Caldas de Reis, Catoira, Portas e Pontecesures, tan só un.
A Consellería de Economía, Emprego e Industria destina este ano máis dun millón de euros para a contratación de 71 persoas desempregadas en 49 municipios da provincia de Pontevedra para a realización de tarefas relacionadas coa prevención de incendios nas faixas secundarias definidas pola Lei de prevención e defensa contra os incendios forestais de Galicia.
Relacionadas:
-
Moraña contratará 16 mozos durante un ano a través do Obradoiro de Emprego Xóvenes
Por Redacción |
-
A Xunta reforza o dispositivo de prevención e control de incendios forestais durante o verán
Por Redacción |
-
Os bombeiros forestais alertan do risco das queimas agrícolas, que provocaron dous incendios esta semana
Por Manu Otero | Creada e actualizada
-
A Lama incorpora 13 traballadores grazas ao Plan Concellos
Por Redacción |
-
Caldas volverá ter brigada contra lumes forestais este verán
Por Redacción |
-
Poio inicia o procedemento para a contratación de oito brigadistas para a prevención de lumes forestais
Por Redacción |
-
A loita contra o lume contará a partir do luns con 48 brigadas terrestres en Pontevedra
Por Redacción |