Veciños e traballadores de Moraña reciben preto de 12.000 materiais de protección
Por Redacción
O Concello de Moraña xa distribuíu un total de 11.947 unidades de Equipos de Protección Individual (EPI ́s) de diversa tipoloxía e materiais de hixiene entre profesionais e entre todos os veciños empadroados co obxectivo de diminuír o risco de contaxio e conter a transmisión do coronavirus.
Esta cifra acadouse tras a recepción e reparto, nestes últimos días, de 557 unidades por parte da Xunta de Galicia e outras 250 dende a Subdelegación do Goberno.
Ademais, nas últimas semanas repartiron 2.100 procedentes de doazóns de empresas e veciños da contorna, que achegaron principalmente pantallas protectoras, batas e máscaras. Este foi o caso dunha doazón da multinacional Bandalux.
Ademais, o Concello mercou 5.420 máscaras con fondos propios que se repartiron entre toda a poboación adulta e infantil.
Este reparto de material de protección centrou a labor do Concello no actual Estado de Alarma xunto coa posta en marcha de máis dunha decena de servizos municipais extraordinarios, que atenden a unhas 185 familias do municipio e entre os que destacan o subministro de alimentos e produtos básicos, a atención domiciliaria.
Relacionadas:
-
O BNG propón varias medidas para a recuperación social de Moraña
Por Redacción |
-
O Concello de Moraña lembra que hai que limpar as leiras para previr incendios
Por Redacción |
-
Ofrecemento ao sector hostaleiro para ampliar as terrazas en Moraña para evitar grandes perdas económicas
Por Redacción |
-
O goberno local de Moraña estuda medidas para conceder axudas económicas a comercios, hostalaría e autónomos
Por Redacción |
-
1.500 pantallas protectoras para repartir entre os comercios e veciños de Moraña
Por Redacción |