Colas de dez minutos para entrar nos supermercados do centro da cidade
Por Manu Otero & Diego Torrado
A corentena continúa e as provisións dos fogares comezan a esgotarse. Chega a hora de repoñer. Sen a tolemia nin as compras compulsivas que reinaron cando explotou a alerta sanitaria, os pontevedreses acoden con orde e en solitario a realizar as súas compras. Nas portas dos supermercados, os gardas de seguridade encárganse de regular o acceso para evitar aglomeracións. Mentres, ás portas, esperan os clientes na cola pero a máis de metro e medio de distancia.
É unha escena que no que vai de semana está a vivirse de forma recorrente na maior parte dos establecementos de alimentación. E no interior, o abastecemento da maior parte dos produtos de primeira necesidade está garantido. Aínda que algúns produtos segues escaseando. Segue sendo sorprendente o que ocorre co papel hixiénico, cos andeis baleiros. Algo similar ocorre co xabón de mans, a comida de mascotas ou os ovos.
"A cousa está máis normalizada que nos primeiros días, que foi de tolos. Pero o do papel hixiénico non o entendemos", recoñece unha das caixeiras unha cadea de supermercados pontevedresa, que admite tamén que a razón pola que carecen dalgúns produtos débese a que "o camión de repartición aínda non chegou hoxe".
Na vía pública a corentena segue sendo notable. Rúas practicamente baleiras patrulladas por axentes da Policía Nacional ou Local para velar que a cidadanía non incumpre as normas: só pódese saír por traballo, para facer compras de primeira necesidade ou por casos de forza maior. Así llo fan saber a moitos peóns que parecen saír de paseo.
Relacionadas:
-
Onde é posible facer a compra online? Visitamos todos os supermercados
Por María José Pita |
-
Preto de 200 profesionais educativos promoven a iniciativa 'Aulas Galegas', un web lúdico e de ensino para tempos de corentena
Por Anxo Lourido |
-
A área sanitaria suma 11 novos positivos por coronavirus nun día e ten 37, seis deles hospitalizados
Por Natalia Puga |
-
ADOS emitirá xustificantes ás persoas que acudan a doar sangue para evitar que sexan sancionados
Por Diego Espiño |
-
Cáritas e o Concello habilitan dous albergues para que as persoas sen fogar pasen a corentena
Por Redacción |
-
Contos virtuais para entreter os máis pequenos durante a corentena
Por Alejandro Espiño |