Galicia suspende as súas eleccións: "Loitar contra a pandemia é a nosa única ocupación", di Núñez Feijóo
Por Alejandro Espiño
As eleccións autonómicas previstas en Galicia para o próximo 5 de abril serán suspendidas. Así o anunciou o presidente galego, Alberto Núñez Feijóo, tras acordar cos partidos da oposición que, nestes momentos, non se dan as "garantías necesarias" para poder celebrar estes comicios.
"Loitar contra a pandemia é a nosa única ocupación", sinalou Núñez Feijóo, tras a reunión que mantivo por videoconferencia cos líderes de PP, PSdeG-PSOE, BNG, Galicia en Común e Ciudadanos. Vox non respondeu, segundo a Xunta de Galicia, á invitación para participar neste encontro virtual.
A partir de agora, a Xunta de Galicia en colaboración co Estado deberá busca a fórmula xurídica que permita este aprazamento electoral e acordar unha nova data.
O titular do executivo autonómico sinalou que "para min xa estaban desconvocadas desde hai días" e explicou que "o único que falta" é executalo formalmente e articular esta decisión en base á lei.
En todo caso, o presidente galego recoñeceu que non pode concretar a data na que se poderían celebrar, xa que agora mesmo trátase de algo que está "fóra da axenda" e trátase dunha cuestión "secundaria" ante a loita sanitaria para frear a expansión do virus.
"Todo temos que estar a outra cousa", engadiu Núñez Feijóo, que explicou que todos os partidos coincidiron en que estas eleccións non se poden celebrar "en ningún caso".
Estas eleccións, en todo caso, non se poderán celebrar ata que termine o estado de alarma no país e o estado de emerxencia sanitaria en Galicia, algo que "non sabemos cando pasará", lembrou o dirixente autonómico.
De acordo coa oposición, a Xunta deixará sen efecto por tanto as eleccións autonómicas convocadas e "reactivará" estes comicios de acordo coa normativa que se redacte.
"Oxalá pronto esteamos falando de eleccións porque iso significaría que gañamos a batalla contra o coronavirus", subliñou Feijóo.
O presidente galego concluíu agradecendo a todos que deixasen as siglas á marxe "por responsabilidade" e afirmou que, en todo caso, "non me vou a mover de aquí ata que os galegos poidamos respirar tranquilos".
Relacionadas:
-
Así votaremos o próximo 12 de xullo
Por Redacción |
-
Os galegos, chamados de novo a votar o 12 de xullo nas eleccións aprazadas polo coronavirus
Por Natalia Puga | Creada e actualizada
-
As eleccións non están na axenda de Feijóo, que pedirá que se poida saír a facer deporte de forma individual
Por Natalia Puga |
-
Feijóo pide ao Goberno que busque fórmulas para que os nenos poidan saír de forma "ocasional"
Por Natalia Puga |
-
Buscan hoteis que sexan "aptos" para a atención a pacientes con coronavirus
Por Alejandro Espiño |
-
O Goberno conxela o pagamento de hipotecas a colectivos afectados polo coronavirus
Por Alejandro Espiño | Creada e actualizada
-
España pecha as súas fronteiras terrestres e non permitirá o acceso a cidadáns estranxeiros
Por Alejandro Espiño |
-
Guía con recomendacións para previr o coronavirus en todos os centros de traballo
Por Oskar Viéitez |
-
Oito novos positivos na área sanitaria, que ten 26 pacientes confirmados de coronavirus
Por Natalia Puga |