A seguridade viaria tamén é cousa de nenos
Por Redacción
Ducias de rapaces participaron este sábado nas actividades que Poio organizou co gallo da Semana Europea de Mobilidade. Foi no circuíto de seguridade viaria da Seca co programa Ponte a conducir.
Este taller de educación viaria constou dun circuíto de karts, peóns e ciclistas, dun concurso de debuxo, dun curso básico de primeiros auxilios, dun simulacro de accidente ou dunha mostra de vehículos de emerxencia.
Para iso cada neno tivo levar o seu medio de transporte, entre eles bicicletas, motos ou triciclos, e despois participaron nas probas como peóns.
Nesta actividade colaboraron efectivos da Policía Local de Poio, da Garda Civil, da Dirección Xeral de Tráfico, da Cruz Vermella e de FANPA Pontevedra.
O obxectivo deste programa era fomentar as prácticas saudables, establecer rutas seguras e animar aos rapaces no uso da bicicleta ou incentivar a mobilidade sostible.
Relacionadas:
-
Cuntis participa na Semana Europea da Mobilidade cun peche simbólico do tráfico no casco histórico
Por Redacción |
-
Maica Larriba reclama formación vial durante todas as etapas educativas
Por Redacción |
-
Así se xogan a vida a diario os escolares de Chancelas para coller o autobús na PO-308
Por Anxo Lourido |