Pontevedra esixe ao Sergas que cubra de xeito "inmediato" a praza de pediatra en Monte Porreiro
Por Alejandro Espiño
A partir do próximo venres, se as autoridades sanitarias non o remedian, non haberá pediatra no centro de saúde de Monte Porreiro. Ese será o día no que o médico actual, que se prexubila, deixará de pasar consulta no barrio.
Ante esta situación, os veciños comezaron a mobilizarse e, a petición da asociación O Mirador, o Concello decidiu posicionarse con eles.
O goberno municipal acordou este luns solicitar á Consellería de Sanidade e ao Servizo Galego de Saúde (Sergas) que se cubra de maneira "inmediata" a praza de pediatra en Monte Porreiro.
Este pediatra, lembrou o portavoz municipal, Raimundo González, é compartido con Barro.
O Concello defende a continuidade deste servizo no centro de saúde de Monte Porreiro ao entender que atende unha poboación "importante", xa que no barrio vive moita xente nova e con fillos.
"É necesario cubrir esa praza de xeito urxente", sinalou o edil do BNG, que espera que o Sergas atenda esta petición e non se resinta a asistencia sanitaria no municipio.
Relacionadas:
-
Monte Porreiro e Barro reclaman garantías de que os seus centros de saúde contarán co servizo de Pediatría
Por Redacción & Nacho Fuentes |
-
Monte Porreiro e Barro recuperarán o seu pediatra a partir do 30 de xuño
Por Redacción |
-
Escolares do colexio Marcos da Portela concéntranse para reclamar un pediatra en Monte Porreiro
Por Anxo Lourido |
-
O Sergas garante un pediatra para Monte Porreiro pero recoñece que aínda non ten substituto
Por Redacción |
-
O BNG leva ao Parlamento a cobertura de pediatría en Barro e Monte Porreiro
Por Redacción |
-
Barro e Monte Porrreiro queren garantías na cobertura pediátrica
Por Redacción |
-
O centro de Saúde de Bueu recuperará ao seu segundo pediatra
Por Redacción |