A "mellor Semana Santa dos últimos anos" e os mundiais de tríatlon enchen as vivendas turísticas pontevedresas
Por Redacción
Os propietarios das vivendas destinadas ao turismo consideran que o último período vacacional foi "a mellor Semana Santa dos últimos anos", que na provincia de Pontevedra materializouse en que destinos como Sanxenxo ou Poio chegaron a unha ocupación media do 88% durante toda a semana, alcanzado o cheo absoluto nos días centrais de Xoves a Domingo.
A valoración realizada por Asociación de Vivendas Turísticas de Galicia (Aviturga), con sede en Sanxenxo, apunta ao clima estival dos últimos días e ás malas condicións meteorolóxicas no resto do país como responsables destes bos datos.
Así, o clima facilitou as reservas de última hora que fixeron que se chegase case ao pleno en número de reservas. Ademais, engaden que a cidade de Pontevedra rozou o cheo absoluto aproveitando a chegada anticipada dos participantes nos mundiais de tríatlon, o ITU Multisport Festival.
Precisamente, esa competición deportiva está a propiciar que os bos resultados de Semana Santa estean a prolongarse en Pontevedra e as localidades de arredores. Prevese que dure ata principios do mes de maio -as probas terminarán o 4 de maio-
Segundo os datos facilitados por Aviturga, predomina o turista estranxeiro, americano, canadense e australiano.
En relación coa ocupación de Semana Santa, indican que en Cambados alcanzou o 90 %; e en Marín, Cangas e Bueu, o 85 %. O perfil do usuario das vivendas turística é de público familiar ou en grupos de amigos que chegou desde o resto de Galicia, Madrid, Castela-León e Asturias.
Relacionadas:
-
A Asociación de Vivendas Turísticas de Galicia ten a "esperanza de salvar o verán"
Por Marisa Ciordia |
-
As vivendas turísticas das Rías Baixas tamén triunfaron durante os Mundiais de Tríatlon
Por Redacción |
-
Os termómetros acadan os 29,5 graos e empuxan a veciños e turistas ás praias
Por Redacción & Diego Torrado |
-
As temperaturas achegaranse aos 30 graos nas Rías Baixas este sábado de Semana Santa
Por Redacción |
-
A inestabilidade do tempo impulsa as cancelacións e reservas 'last minute' nesta Semana Santa
Por Olaya Madrigal & Nacho Fuentes |
-
Do you speak english? A hostalería pontevedresa prepárase para os Mundiais de tríatlon
Por Redacción |