O PP insta o Sergas a cubrir canto antes a vacante de Pediatría no Centro de Saúde de Ponte Caldelas
Por Redacción
O representante do Partido Popular en Ponte Caldelas, Antón Xil, pide ao Sergas que substitúa canto antes á titular da praza de Pediatría no Centro de Saúde da vila despois de que teña solicitado o traslado a Arcade (Soutomaior).
Xil agradece á Consellería de Sanidade que sexa receptiva ao aumento do número de horas de atención aos menores neste departamento pero entende que é necesario realizar esta substitución canto antes para garantir o servizo. A titular deixará o centro este próximo luns 8 de outubro e o candidato á alcaldía polo PP móstrase preocupado xa que Pediatría é unha especialidade médica que se ofrece compartida cos centros de saúde instalados nos concellos veciños da Lama e Cerdedo-Cotobade.
Antón Xil maniféstase partidario dunha sanidade pública e de calidade coa mellora de todos os servizos que se prestan no centro de saúde de Ponte Caldelas, ao que asiste unha importante poboación de avanzada idade.