Música, performance e diversión no acto de graduación de estudantes de Belas Artes
Por Mónica Patxot & Redacción
Cun pase de baile a cargo de Sasha Zukle, unha performance de Sangra&Loro e a actuación musical de La Nona Hora celebrábase este venres o acto de gradación dos novos estudantes que lograron a titulación na Facultade de Belas Artes de Pontevedra.
O acto desenvolvíase no auditorio da delegación territorial da Xunta de Galicia, situado en Campolongo. Os estudantes luciron as súas mellores galas para participar neste evento.
Silvia García, decana da Facultade de Belas Artes, e o profesor Antonio Bandera, padriño desta promoción de graduados, presidiron este acto que contou con numerosos momentos de diversión.