Os emprendedores cítanse na Praza de España
Por Redacción
A cuarta edición de Pont-Up Store desenvólvese este venres e o sábado 23 na Praza de España. Corenta empresas de recente creación mostran as súas propostas neste espazo promovido pola Universidade de Vigo, que ten como obxectivo impulsar a novos empresarios.
O alcalde de Pontevedra, Miguel Anxo Fernández Lores, asistíu á inauguración este venres e destacou a importancia desta iniciativa que conta ademais de cos stands na praza, con actividades de dinamización e a participación no Puntazo Exprés, para dar a coñecer a súa idea de negocio a responsables de cinco empresas consolidadas.
Desde tecnoloxías a alimentación, deseño, moda ou cultura visibilízanse neste espazo que conta como principais novidades nesta edición cun laboratorio de fabricación dixital e un espazo de degustación.