30 estudantes realizan as prácticas do último curso nos hospitais públicos de Pontevedra
Por Redacción
A mañá deste luns 11 foi de benvida no Complexo Hospitalario de Pontevedra a trinta estudantes de sexto de Medicina procedentes da Universidade de Santiago de Compostela que, a partir desta semana, inician o curso académico nos hospitais públicos de Pontevedra.
Estes estudantes desenvolverán a súa formación práctica por diversos servizos especializados dos hospitais Montecelo e Provincial, do centro de especialidades de Mollabao e do centro de saúde da Parda.
Dividiranse en dous grupos de 15 para desenvolver rotacións obrigatorias en Pediatría, Obstetricia e Xinecoloxía, Psiquiatría, Medicina interna, Urxencias, Cirurxía xeral e Medicina familiar, baixo a supervisión dos seus titores. Tamén terán a oportunidade de achegarse a outros servizos do hospital tanto da área médica, como de cirurxía e médico-cirúrxica. Estes estudantes serán avaliados a final do curso.
Este é o terceiro ano no que se realizan estas prácticas de formación nos centros de Pontevedra.