Barro aumentará os puntos de luz no municipio
Por Redacción
A Concellería de Obras e Servizos de Barro que dirixe o tenente de alcalde, José Sanmartín, iniciará este martes os traballos de mellora do alumeado público. Esta obra está incluida no Plan Concellos 2017, financiado pola Deputación de Pontevedra.
Este proxecto consiste na ampliación dos puntos de luz do municipio onde existen vivendas que non tiñan este servicio.
Con esta nova actuación, o concelleiro de Obras e nesta semana alcalde en funcións, José Sanmartín, aposta por seguir destinando inversións para conseguir melloras en todas as parroquias.
O proxecto foi adxudicado a Elecnor S.A. e conta cun orzamento de 21.893,39 euros e cunha mellora económica presentada de 4.654,70 euros.