Zona Monumental anima a participar na recta final da campaña 'Primavera Monumental'
Por Redacción
A campaña Primavera Monumental entra na súa fase final e a Asociación Centro Comercial Urbano Zona monumental anima a todos os pontevedreses e visitantes a participar nesta promoción que ofrece a oportunidade de obter premios pola compra en establecementos asociados do centro histórico.
Esta iniciativa está a desenvolverse en establecementos comerciais e locais de lecer e hostalería que forman parte da Asociación Zona Monumental.
Os premios consisten nun vale por importe de 200 euros, que se poderá trocar no establecemento que outorgue o premio, ademais de catro vales por importe de 100 euros e outros catro por 50 euros.
As papeletas poderanse depositar na oficina da asociación antes do 30 de maio, en horario de 09.00 a 14.00 horas de luns a venres ou no establecemento onde se efectúe a compra.
O sorteo realizarase o 30 de maio ás 13.00 horas na sede da asociación e as papeletas terán que estar debidamente seladas polo establecemento.