A Ruta Cabalar Salnés-Terra de Montes descansou na praza de touros
Por Redacción
A quinta Ruta Cabalar Salnés-Tabeirós Terra de Montes reúne esta fin de semana preto dun centenar de xinetes coas súas monturas.
A cita, organizada pola Asociación Rapa das Bestas e o Concello da Estrada, fixo parada este sábado na praza de touros de Pontevedra procedentes de Portonovo.
A ruta rematará o domingo en Sabucedo, tras pasar polos concellos de Meaño, Ribadumia, Meis, Pontevedra, Campo Lameiro e Cerdedo-Cotobade.
O principal obxectivo desta actividade é consolidar o turismo na parroquia estradense de Sabucedo.