Pontevedra lembra que "os conflitos teñen solución na mediación"
Por Redacción
Pontevedra celebrou este venres, con 24 horas de adianto, o día mundial da mediación.
Trátase dun proceso flexible, voluntario e confidencial, para a resolución de conflitos e controversias. Na mediación, unha persoa experta neutral e imparcial, axuda a quen ten o conflito de modo colaborativo, a través do diálogo.
Calquera tipo de conflito ou controversia entre dúas ou máis persoas é susceptible de ser mediado. Tanto en asuntos civís e mercantís, como familiar e relacional, ata escolar ou intercultural, mesmo sanitaria.
Entre outros beneficios, a mediación é un procedemento confidencial, máis rápido e económico que a vía xudicial, as persoas mediadas participan e controlan o acordo e o proceso e o resultado son máis satisfactorios o que deriva nun maior cumprimento do acordo.
A Casa das Campás, sede da vicerrectoría do campus de Pontevedra, acolleu un acto organizado polo grupo de psicoloxía xurídica e o de innovación docente 'Educación transformadora: ciencia, comunicación e sociedade', en colaboración con dirección e alumnado do curso de especialista de mediación, no que se conmemorou este Día Internacional da Mediación.
Participaron Juan Manuel Corbacho, vicerreitor do campus de Pontevedra; Juan José Martín, director xeral de Xustiza de Galicia; Xosé Leal, delegado de Cultura e Lingua da Deputación de Pontevedra; Carmen Fouces, concelleira de Educación, Igualdade e Servizos Sociais de Pontevedra; Mar Felices, xuíza de Familia; Marta Alonso, fiscal de Familia de Pontevedra; e María Luisa Márquez, coordinadora galega das Escolas Unesco
Ao terminar o acto instalouse unha mesa informativa sobre cuestións relativas á mediación na praza da Peregrina.
Relacionadas:
-
O 30% dos asuntos xudiciais poderían resolverse a través da mediación
Por Redacción |
-
Un árbitro é un pacificador para as familias en conflito
Por Redacción |
-
Un novo servizo facilitará aos pontevedreses resolver os divorcios sen acudir ao Xulgado
Por Redacción |
-
Os xuíces pontevedreses permitirán resolver os asuntos de familia a través dunha mediación
Por Oskar Viéitez |