A educación, o noso sistema emocional ou como explicar a un menor a perda dunha persoa próxima son cuestións que trasladaron os seguidores de Dale la vuelta a María González, a nosa formadora en benestar.
No programa deste martes 13 de decembro, unha das dúbidas expostas solicitaba máis explicacións sobre que significa que "as emocións son inalámbricas". Unha concisa e gráfica resposta está a alegría, o enfado, o amor, o desamor, ..."emocións que experimentamos que non ven, non necesitan ningunha conexión externa. Emitimos e recollemos emocións ao e da contorna; pero non as vemos saír".
A "boa" educación, que Dale la vuelta abordaba no terceiro dos programas motivou outra dúbida. Concretamente "cales son os modelos psicopedagóxicos", isto é, os modelos de aprendizaxe que se aplican nos centros educativos. María González aconsella aos pais preguntarse "cales son os obxectivos do centro ao que se leva ao menor: adquirir coñecementos ou centrarse no neno e o seu desenvolvemento?. Isto é, ademais dos coñecementos, que habilidades sociais e valores se lle van transmitir para que o neno se desenvolva".
E outro adulto expuña como xestionar a comunicación da perda dun ser querido a un neno. En este caso María González aconsella adaptar o procedemento á próximidade ou parentesco da persoa falecida; e á idade do menor "xa que a partir dos sete anos é cando podemos entender que hai un sempre e hai un nunca. Por tanto que podemos deixar de ver a unha persoa para sempre e que non a imos a ver nunca máis".
Se tamén queres trasladar as túas dúbidas neste programa interactivo de PontevedraViva Radio, pode envialas a mariadalelavuelta@gmail.com. No próximo Dale la vuelta, abordaremos como levar ben o nadal en familia.