Visto para sentenza o xuízo contra Vitriño e outros nove acusados
Por Oskar Viéitez
Este martes a Sección Cuarta da Audiencia de Pontevedra deixou visto para sentenza o xuízo contra Vitriño e outros nove acusados na última sesión do xuízo por este caso de tráfico de cocaína na comarca de Arousa.
O fiscal antidroga, Luís Uriarte, elevou as súas conclusións provisionais a definitivas, mantendo as peticións de penas esgrimidas nos escritos de acusación.
En total, o representante do Ministerio Público solicita a imposición de penas que suman 57 anos de cárcere para os dez acusados. A condena máis alta, de 9 anos, solicítaa para o vilanovés Juan Miguel García Santos.
Para o seu irmán José Luis pide sete anos e medio, e catro anos e medio para o arousán Víctor Manuel García Paz, coñecido como "Vitriño".