CIG denuncia privatizaciones no servizo de mantemento do CHOP
Por Oskar Viéitez
O sindicato nacionalista indicou que o Sergas acaba de privatizar, en toda a súa rede de hospitais, os servizos de electromedicina, responsables da reparación e mantemento de equipos.
Nos Centros hospitalarios de Pontevedra este servizo víñase desenvolvendo "con bastante solvencia profesional e cun baixo custo económico".
No CHOP o servizo de mantemento conta cuns 70 traballadores. "Esta medida vai afectar a unha parte destes traballadores e polo que recollen as prescripciones técnicas do concurso tamén poderá afectar ao servizo de informática", din na CIG.
No Complexo Hospitalario de Pontevedra "temos unha experiencia negativa da privatización deste servizo". E é que no seu día o Sergas tivo que rescatar esta concesión "logo dunha xestión nefasta por parte da adxudicataria que causou graves prexuízos económicos e de funcionamento ao Centro Hospitalario" e sinalan que supoñerá "un custo superior ás arcas públicas e un peor servizo".