Luz verde á construción dunha cuberta para a bancada do CGTD e a reforma da residencia
Por Redacción
Dous proxectos vencellados ao Centro Galego de Tecnificación Deportiva (CGTD) verán a luz nos próximos días. A Comisión de Urbanismo aprobou a construción dunha cuberta para a bancada da pista de atletismo e a mellora de accesibilidade da residencia de estudantes.
A cuberta da bancada é unha vella demanda do público e máis dos propios atletas que seguen con interese as numerosas probas e competicións que alí se desenvolven ao largo de todo o ano.
A obra está valorada en 31.168,25 euros e terá un prazo máximo de execución de seis meses a contar desde o outorgamento da licenza.
Polo que respecta a mellora da accesibilidade, a actuación prevista afecta a corrección e ampliación das instalacións de sinalización e extinción de lumes e condicións de evacuación do inmoble e inclúe a instalación de portas cortalumes e a construción dunha escaleira exterior co fin de mellorar as condicións de evacuación ante unha posible emerxencia.
Esta actuación ten unha base de licitación de 223.693,63 euros.
Relacionadas:
-
A nova secretaria xeral para o Deporte pasa revista ao CGTD e promete melloras na súa residencia
Por Diego Espiño |
-
Medio millón de euros que 'levantan bochas'
Por Diego Espiño |
-
A pista de atletismo do CGTD recibe oficialmente a homologación
Por Redacción |
-
A Federación Española será quen decida se se homologa a pista de atletismo do CGTD
Por Diego Espiño |
-
Preocupación polo mal estado da recentemente reformada pista de atletismo do CGTD
Por Diego Espiño |
-
As obras na pista de atletismo do CGTD concluirán "a principios de octubre"
Por Diego Espiño |