O PP critica que só dure dous meses o "Plan Carmelita" de emprego da Deputación
Por Oskar Viéitez
O portavoz do grupo provincial do Partido Popular, Ángel Moldes, criticou o novo plan de emprego da Deputación de Pontevedra porque "só durará dous meses, fronte aos seis" do plan emprego do anterior goberno presidido por Rafael Louzán.
"Anteriormente tiñamos o Plan ZP e agora chega o Plan Carmelita con traballo só para dous meses", dixo o portavoz do PP.
Ademais Ángel Moldes afirmou que a presidenta da Deputación "ten que pedirlle disculpas aos parados" por dicir que o soldo anterior era "miserable" ao entender que iso é unha "falta de respecto" e tamén criticou que os meses elixidos pra desenrolar este plan de emprego, novembro e decembro, "non son os máis operativos" para o traballo que van desenvolver nos concellos, como segundo afirmou, reprocharon algúns alcaldes.
Os populares sinalan que cun contrato de tan só dous meses non se pode loitar contra a "precariedade laboral" nin se crea un "emprego de calidade" como afirmou a presidenta provincial, Carmela Silva.
Está previsto que o novo plan sexa aprobado polo pleno provincial o día 25.
Carmela Silva asegurou este xoves que "se é legalmente posible" o Plan de emprego será prorrogado nos orzamentos do próximo ano para que poidan continuar os mesmos traballadores durante máis tempo sen necesidade de facer unha nova convocatoria.
A presidenta destacou as "melloras moi substanciais nas condicións laborais", nos novos contratos nos que se pasarán das 25 horas e salarios de máis ou menos 400 euros, a unha xornada de 35 horas e máis de 900 euros.
Relacionadas:
-
Santos Héctor di que o PP na Deputación "perdeu o rumbo e elixiu a un voceiro que é a voz da caverna"
Por Redacción |
-
O novo plan de emprego da Deputación duplicará o salario que recibirán os seus 1.550 beneficiarios
Por Alejandro Espiño |
-
A Deputación intentará mellorar as condicións dos bolseiros nun novo plan de emprego
Por Oskar Viéitez |