'Cumio' municipal sobre ENCE cos alcaldes de Bueu, Marín, Poio, Sanxenxo e Pontevedra
Por Natalia Puga
Os alcaldes de Bueu (BNG), Sanxenxo (SAL), Poio (BNG), Marín (PP) e Pontevedra (BNG) celebrarán un 'cumio' municipal este xoves cun tema principal na axenda: a continuidade da empresa Ence na Ría máis alá de 2018. A reunión, convocada polo alcalde capitalino, Miguel Anxo Fernández Lores, para buscar unha postura conxunta sobre este particular celebrarase en Pontevedra ás 18.30 horas e confirmaron a asistencia todos os rexedores.
Segundo informou Lores, este 'cumio' dos alcaldes da Ría enmárcase na rolda de contactos que está a manter o Concello con colectivos veciñais, sociais, ecoloxistas, confrarías ou sindicatos de Pontevedra dentro de la campaña social de presión en contra da continuidade de Ence e para solicitar os gobernos do Estado e a Xunta que non permitan a continuidade desta factoría e de Elnosa en Lourizán.
Unha desas reunións celebrouse este mércores no Concello de Pontevedra co presidente da Federación de Asociacións de Veciños Castelao, Juan Loureiro. Ademais dunha visita de cortesía na que o novo responsable veciñal se presentou como tal, o encontro serviu para manifestar publicamente o seu rexeitamento á permanencia da fábrica na súa situación actual.
A comisión permanente da Federación Castelao acordou por unanimidade "defender a recuperación da Ría" de Pontevedra e, polo tanto, "a non permanencia" de Ence máis alá de 2018 e de Elnosa despois de 2017. Juan Loureiro quere manifestar publicamente que o seu colectivo "defende os instereses da maioría dos veciños" e recordar que "eses terreos (os ocupados por Ence) son dos veciños de Pontevedra" e antes da instalación da pasteira podían gozalos libremente.
Ademais, o presidente de Castelao insiste en que a finais do século XIX había moita "xente que viña veranear a eses terreos" e aposta por "que iso volva" unha vez que a factoría deixe Lourizán e a zona se poida recuperar en beneficio das "xeracións que veñan detrás de nós". Para garantir isto, serían partidarios de promover unha gran manifestación como a que pretenden convocar o Concello e a Deputación de Pontevedra.
Lores avanzou que ao longo da próxima semana se reunirá con representantes da APDR, Vaipolorío ou Adega e a finais de setembro se estudará unha reunión conxunta de todos os colectivos que se declaren en contra de renovar a concesión para a permanencia de Ence en Lourizán.
Relacionadas:
-
Lores e Carmela Silva: "Hoxe non falamos de Ence"
Por Oskar Viéitez & Mónica Patxot |
-
O cumio de alcaldes sobre Ence queda descafeinado ante a ausencia de María Ramallo
Por Redacción |
-
Os traballadores de ENCE poderán intervir no Pleno da Deputación
Por Redacción |
-
Os traballadores de Elnosa ampáranse na eliminación de emisións de mercurio para que a fábrica siga en Lourizán
Por Mónica Patxot & Anxo Lourido |
-
Máis de 5.000 postos de traballo en Galicia dependen da permanencia da fábrica de Ence en Pontevedra
Por Noticia patrocinada |
-
O PP advirte que non dará "nin un paso atrás" na súa defensa á continuidade de ENCE
Por Alejandro Espiño |
-
Carmela Silva tira de hemeroteca para cargar tintas contra o PP sobre ENCE: "Cambiou radicalmente a súa postura"
Por Natalia Puga |
-
A Deputación, contra ENCE: Carmela Silva súmase á "ofensiva" de Lores para que "desapareza" da ría
Por Alejandro Espiño |
-
Carmela Silva evita pronunciarse sobre a permanencia de ENCE na Ría de Pontevedra
Por Natalia Puga |