Ningunha empresa presenta oferta para xestionar conxuntamente as piscinas de Campolongo e A Parda
Por Diego Espiño
Decepcionado. Así se mostrou o concelleiro de Deportes de Pontevedra, Agustín Fernández, ao recoñecer que ningunha empresa presentou oferta para o concurso público de remodelación das piscinas de Campolongo e construción do Centro Lúdico Deportivo da Parda.
O concurso, que pasa por ser un dos proxectos "máis importantes e ilusionantes para Pontevedra" segundo Fernández, declararase deserto á espera de "estudar alternativas".
O concelleiro mantén a súa intención de seguir traballando "para adxudicar a mellora de Campolongo e A Parda o antes posible", pero esta circunstancia supón unha importante freada ao proxecto.
Agustín Fernández: "Penso que é un proxecto moi importante e ilusionante para Pontevedra, seguiremos adiante"
Con todo o responsable municipal de Deportes non contempla adxudicar por separado a xestión de ambos os dous centros, a pesar de que "Campolongo é unha instalación golosa" para as empresas do sector.
Tres delas interesáronse neste concurso público de adxudicación, pero finalmente rexeitaron presentar formalmente unha oferta no prazo que finalizou este mércores.
Para Agustín Fernández isto débese "o prego de condicións moi esixente que fixemos para defender o público", polo que agora estudirán fórmulas máis flexibles como recortar o investimento previsto ou a ampliación do prazo esixido para as obras.
Mentres isto sucede o concelleiro confirmou, para tranquilidade de usuarios e empregados, que "Campolongo funcionará con normalidade" cunha prórroga da concesión "que ten certos elementos de irregularidade pero penso que non terá problemas se está en marcha o procedemento de adxudicación".
O proxecto de xestión conxunta de Campolongo e A Parda establecía un prazo de concesión de 40 anos a cambio dun investimento de case 6 millóns de euros, destinados á reformar do actual centro de Campolongo e a construción de piscinas ao aire libre e pistas de pádel, entre outros equipamentos, na Parda.
Relacionadas:
-
O Concello renuncia ao centro lúdico da Parda e impulsa un novo concurso público para Campolongo
Por Diego Espiño | Creada e actualizada
-
Insisten en licitar xuntos Campolongo e A Parda, pero non descartan facelo finalmente por separado
Por Alejandro Espiño |
-
Marea Pontevedra coincide co PP en desvencellar a reforma das piscinas de Campolongo do complexo da Parda
Por Redacción |
-
O PP urxe ao Concello a que "mañana mismo" licite a reforma das piscinas de Campolongo
Por Natalia Puga |
-
O abono para as piscinas de Campolongo dará acceso sen custo adicional ao novo complexo da Parda
Por Diego Espiño |
-
César Abal responsabiliza o Concello do fracaso do proxecto inicial do complexo deportivo da Parda
Por Alejandro Espiño |
-
As piscinas de Campolongo e o centro deportivo da Parda terán novo xestor en abril
Por Alejandro Espiño |
-
O contrato das piscinas de Campolongo será prorrogado para evitar o peche
Por Oskar Viéitez |