Manos Unidas organiza un xaxún voluntario en solidariedade coas persoas que sofren fame
Por Redacción
A organización Manos Unidas invita a todos os pontevedreses a unirse o próximo venres 6 de febreiro ao Día do Xaxún Voluntario coa intención de que ese xesto sirva como un símbolo de solidariedade cos 805 millóns de persoas que sofren a fame, cada día, no mundo. En Pontevedra, a parroquia de Santa María apoia esta Campaña de Mans Unidas organizando este acto solidario.
Por outra parte, o diñeiro que se recolla na colecta en todas as parroquias de España nas celebracións eclesiásticas o domingo 8 de febreiro durante a Xornada Nacional de Mans Unidas irá destinado a campañas para intentar frear a fame.
Durante esta semana, o misioneiro Ramón Delgado Lacalle, que traballou varios anos en Togo, está a visitar Pontevedra, Marín e Bueu, entre outras zonas, para ofrecer conferencias en varios centros educativos e participar en dúas celebracións relixiosas no Santuario da Peregrina e na Igrexa de San Francisco.