Anabel Gulías, primeira sorpresa da listaxe de Lores para as municipais de 2015
Por Redacción
Anabel Gulías Torreiro, unha moza de 33 anos, actual concelleira do BNG en Forcarei pero residente en Pontevedra, é a primeira das sorpresas que Miguel Anxo Fernández Lores anuncia para a lista que conformará a súa candidatura para as eleccións municipais de 2015.
Licenciada en Ciencias Políticas e xerente de Sermos Galiza, a moza ocupará o número dous na candidatura e na súa presentación ante os medios explicou que "é unha pasada que conten comigo para un proxecto en marcha" en referencia á traxectoria do BNG en Pontevedra. Destacou o "cambio abismal" que a cidade experimentou dende que no ano 1999, o Bloque alcanzou a alcaldía de Pontevedra e afirmou que "non sei se poderei seguir o ritmo a Miguel" explicando que ao municipio aínda lle queda o mellor por vir.
Pola súa banda, Fernández Lores indicou que a lista completa será coñecida a próxima semana e anunciou máis incorporacións. Non obstante, o actual alcalde sinalou que se manterá o núcleo duro da actual formación nacionalista: "non vai haber grandes variacións" para destacar que o seu equipo está "entre o vintage e o smart", chanceou o cabeza de lista do BNG, que anunciou na lista haberá algún integrante aínda máis novo que Anabel Gulías e afirmou que o seu obxectivo é incorporar persoas que "queiran este país e a Pontevedra en particular".
Relacionadas:
-
RADIO.- Anabel Gulías... "Vouche dar unha boa noticia"
Por Marisa Ciordia |
-
Lores reforza a súa lista electoral cun grupo de apoio de dez pontevedreses "de recoñecido prestixio"
Por Natalia Puga |
-
O BNG levará no seu programa expandir o modelo urbano "a todo o territorio municipal"
Por Redacción |
-
A democracia directa será un dos piares do programa electoral de Lores
Por Oskar Viéitez & Mónica Patxot |
-
A candidatura do BNG en Pontevedra renóvase dando peso a dirixentes do movemento asociativo
Por Natalia Puga |
-
Demetrio Gómez, número 3 na candidatura do BNG; Miguel Filgueira quedará fóra da corporación
Por Redacción |
-
O PP critica que o BNG designe como número dous da súa lista electoral a unha muller de "fóra da nosa cidade"
Por Oskar Viéitez |
-
Fernández Lores: "So hai unha persoa que non quere que me presente á reelección: a miña muller"
Por Oskar Viéitez |
-
O BNG presume do éxito das súas asembleas abertas e dun Lores "con máis ilusión ca nunca"
Por Alejandro Espiño |