Imputan a un grovense polo menos nove roubos en bares e comercios en O Grove e Sanxenxo
Por Redacción
Axentes do posto da Garda Civil do Grove detiveron a P.C.T., de 37 anos de idade e veciño desta localidade, como suposto autor de sete delitos de roubo con forza en interior de establecementos de hostalaría e comercio da devandita localidade, durante o pasado mes de outubro e dous máis no municipio de Sanxenxo en agosto deste ano.
Segundo fontes oficiais da Garda Civil o "modus operandi" do detido consistía en forzar a porta de entrada ou fiestra do establecemento e unha vez no seu interior violentaba as distintas máquinas expendedoras e de xogos así como as caixas rexistradoras que houbera apoderándose do diñeiro e nalgunha ocasión aparatos electrónicos de pequeno tamaño, doados de transportar e ocultar.
Unha vez detido o individuo foi conducido ás dependencias oficiais do referido Posto da Garda Civil para a instrución das oportunas dilixencias, levándose a cabo un rexistro domiciliario onde se incautaron distintos efectos, supostamente, procedentes dos roubos realizados.
O detido, que con conta cun amplo historial de antecedentes policiais, xunto coas dilixencias e efectos incautados, será posto a disposición do Xulgado de Instrución número dous de Cambados.
A investigacións continúan abertas polo que se non se descartan novas imputacións por outros ilícitos similares.