O Pontillón do Castro prepárase para o inverno
Por Redacción
Traballos de mantemento, instalación de pasos canadianos, rozas en todo o vaso do encoro ou reforestacións con especies autóctonas foron algúns dos traballos que se executaron nestas semanas, e se volverán repetir coa chegada da primavera para que o parque forestal do Pontillón estea nas mellores condicións para recibir aos visitantes que cada primavera e verán pasan por ente enclave natural.
O alcalde Miguel Anxo Fernández Lores e o concelleiro de Monte Vivo, Demetrio Gómez visitaron esta mañá o parque forestal, na parroquia de Verducido, para coñecer os últimos traballos de mantemento do parque feitos para pasar, mellor posible, o inverno que está por vir.
Estiveron acompañados da empresa que realizou os traballos así como os representantes dos criadores de cabalos de Verducido, solicitantes dos pasos canadianos que se acaban de instalar no parque.