Feliz aniversario María Mercedes!
Por Redacción
O alcalde de Pontevedra, Miguel Anxo Fernández Lores achegouse este sábado até o domicilio de María Mercedes Casalderrey García, na cidade de Pontevedra, para felicitala con motivo do seu 100 aniversario.
María Mercedes, que se atopa ben de saúde aínda cos achaques propios da idade, estaba en compañía de toda a súa familia que quixo pasar con ela un día tan sinalado.
O alcalde desexoulle un feliz día e que continúe igual de ben para poder repetir a visita o vindeiro ano.