Denuncian dous furtivos pontevedreses tras coller 5,6 quilos de percebe en Cabo de Peñas, Asturias
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Dous pescadores furtivos procedentes de Pontevedra, un home e unha muller, foron localizados a pasada semana tras extraer supostamente 5,6 quilos de percebe de primeira calidade en Asturias.
A Consellería de Medio Rural e Política Agraria, a través do Servizo de Inspección e Vixilancia Pesqueira, denunciounos pola captura ilegal de percebes do pedrero de Coneo, nas proximidades do asturiano Cabo de Peñas.
Ocorreu o xoves 27 de xuño. Ás 11:30 horas, os responsables de Inspección Pesqueira descubriron a parella mentres practicaba técnicas de inmersión con botella e utilizaba un torpedo submarino para desprazarse pola auga e realizar capturas ilegais.
Durante a actuación, os funcionarios comisaron 5,6 quilogramos de percebe de primeira calidade e o equipo de mergullo.
Segundo a información facilitada polo Principado de Asturias, en Galicia xa foran denunciados previamente por actividades similares.
Os responsables de Vixilancia Pesqueira pediron a presenza da Garda Civil para identificar e denunciar estes dous furtivos.