A reforma da Praza da Aldea comezará en outono
Por Redacción
O goberno local do Concello de Soutomaior agarda que comecen os traballos na Praza da Aldea pasado o verán. Contarán con 4 meses de prazo de execución e cun investimento de máis de 159.000 euros.
Este proxecto se está a tramitar xunto con outros traballos co fin de crear núcleos de centralidade nos diferentes barrios do concello como é o caso do proxecto da Carreira dos bolos da Pedreira.
O obxectivo desta actuación, segundo lembrou nesta xornada o alcalde, Manu Lourenzo, é poñer en valor o espazo dun dos barrios históricos do concello, ao tempo que se aposta por un modelo "coidado, moderno, agradable, accesible e respectuoso coa esencia do barrio".
A reforma porá en valor todo o conxunto arquitectónico formado polos muros de mampostería, cruceiros, edificacións e outros elementos que xa forman parte da Praza da Aldea, respectando a esencia que o caracteriza.
Así, consistirá na pavimentación con pedra do país de toda a praza. Ademais, levarase a cabo o arranxo do acceso con pedra e formigón, e dotarase toda a zona con mobiliario urbano e árbores.
Manu Lourenzo dixo que con este proxecto "trátase de deixar de entender Soutomaior como unha rede de estradas sen espazos para as persoas e de tornar materiais como o piche por materiais nobres como a pedra, a madeira ou o aceiro. E así, deste xeito, recuperar espazos de convivencia da veciñanza e poder volver ver aos nenos xogar na rúa".
Relacionadas:
-
Máis persoal para traballar no mantemento das rúas en Soutomaior
Por Redacción |
-
O BNG rexistra na Xunta o medio milleiro de sinaturas da veciñanza de Soutomaior en defensa da sanidade pública
Por Redacción |
-
Novo sistema de climatización para o Multiusos de Arcade
Por Redacción |
-
'Son das Alvedosas' enchoupará Arcade de nova música galega o 13 de xullo
Por Anxo Lourido |