Empezan as rebaixas de verán na milla de ouro
Por Mónica Patxot & Oskar Viéitez
Desde este xoves 27 de xuño arrincan as rebaixas de verán nas tendas físicas das marcas Zara, Oysho, Massimo Dutti, Stradivarius, Pull&Bear, Lefties y Bershka.
Ao calendario fixado polo grupo Inditex sumáronse Mango e Parfois que tamén iniciaron este período de descontos significativos no que xa levan unha semana instaladas outras marcas como Sfera, Bimba y Lola, Women'secret, H&M, Scalpers e Silbon.
Atrás quedan xa aquelas rebaixas de verán que empezaban o 1 de xullo e duraban ata finais de agosto. No ano 2012 se liberalizaron estas campañas e agora as tendas establecen as súas propias datas aínda que son as grandes compañías do sector as que adoitan marcar a pauta para seguir. Especialmente o xigante do téxtil Inditex.
Nestes anos tamén variou a estratexia das marcas. Nos días previos ao comezo das rebaixas, nas súas páxinas web, xa adiantan os descontos que aplicarán ás súas pezas e mesmo abren a venda en liña.
Toda unha lexión de influencers, cazadores de tendencias, persoas expertas en moda e medios de comunicación apúranse para aventurar que pezas de roupa serán "virais" contribuíndo a publicitar de maneira gratuíta estes produtos.