Clases ao aire libre na Alameda e na Illa das Esculturas para celebrar o Día Internacional do Ioga
Por Redacción
Pontevedra celebrará o vindeiro sábado 22 de xuño, o Día Internacional do Ioga cunha xornada ao aire libre chea de actividades relacionadas con esta práctica, apta para todas as idades e que reporta importantes beneficios físicos e de benestar xeral, tal como recoñeceu a ONU ao proclamar a efeméride no ano 2014.
As sesións de ioga desenvolveranse na Alameda e na Illa das Esculturas, en horario de 10.00 a 14.00 horas e de 16.30 a 20.30 horas.
A actividade está organizada pola Concellería de Benestar Social, que xestiona Anabel Gulías, en colaboración con Flow Ioga e Myriam Viéitez.
Segundo explica nun comunicado o Concello de Pontevedra son varios los obxectivos que guían esta iniciativa: "servir para dar visibilidade ao ioga, dar a coñecer e practicar distintos tipos de ioga, promover un estilo de vida saudable, tanto físico como mental e ofrecer novas ferramentas para combater e/o convivir co estrés diario". Uns obxectivos aos que se engade a aposta polo uso de espazos ao aire libre para a práctica de actividades físicas y comunitarias.
Todas as actividades son de balde. As persoas interesadas tan só teñen que achegarse uns minutos antes do inicio das sesións coa súa esteira ou toalla, ou se prefire para sentar máis cómodas cun coxín ou bloque.
Na Alameda impartiranse as seguintes clases/sesións: Bos días (10.00 horas); Hatha Ioga (11.30) e Vinyasa Ioga (13.00). Respira (16.30 horas), Acro-Ioga (18.00 ) e Ioga tibetano (19.30).
A Illa das Esculturas será escenario das seguintes propostas: Ashtanga Ioga (10.00 horas), Ioga prenatal (11.30) e Ioga suave (13.00). Meditación (16.30 horas), Vinyasa Ioga (18.00) e Yin Ioga (19.30 horas).