Achegamento para instalar unha nova depuradora en Barro
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/b3a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6643a14785-00-40514-reunion-augas-de-galicia-concello-de-barro.jpg)
© Xunta de Galicia
Roi Fernández, director de Augas de Galicia, e Xosé Manuel Fernández Abraldes, alcalde de Barro, mantiñan este martes un encontro en Santiago de Compostela.
Durante a reunión tratouse a posibilidade de acometer a creación dunha nova Estación Depuradora de Augas Residuais (EDAR) no municipio.
O Concello de Barro presentaba un proxecto para esta nova infraestrutura. Trátase dun documento que permanece en proceso de revisión por parte do equipo técnico de Augas de Galicia.
Ademais, durante a entrevista, estudáronse as fórmulas de financiamento para acometer esta obra. O investimento previsto superaría os 2,6 millóns de euros.
Desde a Xunta indican que continuarán prestando o seu apoio técnico e económico aos municipios para que poidan exercer as súas competencias en materia de saneamento e abastecemento de auga do modo máis eficiente co obxectivo de prestar servizos de calidade aos residentes.
Relacionadas:
-
O Consello da Xunta autoriza a prorrogar un ano o contrato da depuradora de Soutomaior
Por Anxo Lourido |
-
Abraldes presenta o proxecto da nova EDAR de Barro ante a directora de Augas de Galicia
Por Redacción |
-
Presentado o proxecto da nova depuradora de Barro, que custará máis de 2,6 millóns de euros
Por Redacción |