Boa Vida oferta 25 formacións para contribuír á inclusión
Por Oskar Viéitez
A asociación pontevedresa Boa Vida vén de presentar as formacións previstas para o próximo cuatrimestre co obxectivo de "rachar co círculo da pobreza".
Estas actividades parten de dous obxectivos principais, o primeiro, facilitar rede de contacto entre as persoas e que se motiven para que se envolvan en novas actividades promovendo un estilo de vida máis activo e enriquecedor, o segundo, achegar coñecementos pre-laborais como pode ser a reciclaxe textil, atención en punto de venda ou cultivo de alimentos, que proporcionen habilidades e que aumenten os seus coñecementos e así as posibilidades de inserción e de mellora da súa situación socioeconómica.
Para asistir a todas as formacións é preciso inscribirse na asociación solicitando cita, no telf: 698 124 762 ou enviando mail, a formacion.emprego@boavida.org. Teñen preferencia as persoas desempregadas e aquelas que teñan algún factor de exclusión ou vulnerabilidade como ser familia monoparental, ou maior de 45 anos. Tamén poden participar as persoas inmigrantes sen documentación ou en proceso de regularización.
Na liña de redes de contacto e coidados persoais contan tamén cunha actividade pensada para persoas de máis de 55 anos, que consiste en activarse para un envellecemento activo a través da aprendizaxe socioafectiva "Danzas do Mundo" que terá lugar no Centro Social de Cerponzóns o día 30 Abril en xornada de portas abertas para que todos poidan coñecelos, e posteriormente realizar 8 sesións.
Pretenden realizar estas actividades nas parroquias rurais de forma que as persoas do centro teñan ocasión de coñecer espazos e persoas diferentes aos habituais o cal xa é en si mesmo unha activación fora das rutinas habituais.
Destacan a formación en pesca con cana que se inicia o 7 de maio e que imparte o club de pesca Cíes, durante 30 horas as persoas participantes recibirán formación en habilidades sociais e técnicas de pesca con cana.
Estas actividades están cofinanciadas polo Fondo Social Europeo e a Xunta de Galicia.