O marisqueo a pé da ría concentrarase ante a Xunta en Campolongo para reivindicar a dignidade laboral
Por Anxo Lourido & Mónica Patxot
O martes 30 de abril ás 10.30 horas, o sector do marisqueo a pé na ría de Pontevedra está chamado a unha protesta que se iniciará no edificio administrativo da Xunta de Galicia en Campolongo.
A marcha reivindicará a dignidade laboral cunha serie de peticións: axudas dignas, individuais e directas; flexibilización temporal das obrigas fiscais; rexeneración dos areais da ría; plan de continxencias fiable; e unha implicación real das administracións.
A protesta está convocada polo sector marisqueiro da ría de Pontevedra.
PETICIÓN DO BNG DE POIO
Nesta mesma liña, o BNG de Poio promove unha declaración institucional do Concello coa intención de que todos os partidos con representación no pleno apoien unanimemente ao sector do mar da ría de Pontevedra.
Marga Caldas, portavoz municipal, denuncia que o persoal que se dedica ao marisqueo leva meses sen percibir un salario ante a crise da salinidade e a alta mortalidade da ameixa durante os últimos meses.
A agrupación nacionalista lembra que desde o mes de decembro están a solicitar apoio de todos os grupos municipais fronte ao "grave problema" que se rexistra nas confrarías debido ao cesamento forzoso da actividade e solicitando medidas urxentes á Xunta de Galicia e ao Goberno do Estado para evitar a precariedade, que está a afectar a familias do municipio que dependen desta actividade.
Relacionadas:
-
O marisqueo na ría, en alerta: "Non hai berberecho nin para facer unha empanada"
Por Alejandro Espiño |
-
A APDR apoia a manifestación das mariscadoras da Ría de Pontevedra
Por Oskar Viéitez |
-
Poio subvenciona proxectos de dez asociacións que fomenten a igualdade e preveñan a violencia machista
Por Redacción |
-
Ata o 22 de xullo non se volverá a mariscar na ría de Pontevedra
Por Oskar Viéitez |
-
As confrarías recibirán axudas da Deputación para gastos correntes ante a caída da produción
Por Redacción |
-
Permitir o rareo do marisco durante o cese de actividade foi "un acto de xustiza coa xente do mar"
Por Redacción |