Reciclar, reducir, reutilizar e responsabilizar
Por Oskar Viéitez & Mónica Patxot
O colexio de Campolongo loce desde este martes un singular xardín vertical elaborado cunhas artísticas botellas de plástico.
Trátase dunha iniciativa impulsada pola Asociación de Nais e Pais de Alumnos (ANPA) San Xosé deste colexio de educación primaria.
Os alumnos foron os artífices do proxecto no que contaron coa colaboración da Estación Fitopatolóxica de Areeiro.
O xardín vertical está feito con 327 botellas de plástico que foron recortadas e tamén decoradas para funcionar como macetas que acollen distintas plantas de exterior, pequenas e resistentes.
Deste xeito, os escolares aprenderon a reciclar unhas botellas de plástico, a reutilizalas dándolles un novo uso reducindo así a súa pegada no medio ambiente, e "a terceira R é de responsabilizarse do coidado da planta", explican desde o ANPA xa que "desde hoxe terán que regala e coidala día a día".
Cando termine o curso cada alumno levará a súa a casa.
Relacionadas:
-
A Xunta reformará as fiestras do comedor do colexio Campolongo
Por Oskar Viéitez |
-
Produtos galegos de calidade, dieta diaria no comedor do colexio da Lama
Por Redacción |
-
O festival Solifest recadará fondos para o Centro Princesa Letizia
Por Oskar Viéitez |
-
Expertos europeos definen a Pontevedra como "o futuro da seguridade viaria urbana"
Por Redacción |
-
O colexio cuntiense Don Aurelio implantará o Plan Madruga a partires do vindeiro curso
Por Redacción |
-
Piden que os centros escolares pontevedreses implanten programas de educación afectivo sexual
Por Oskar Viéitez |