A Bonoloto reparte 1,6 millóns de euros en Cerdedo
Por Redacción
Desde onte á noite, en Cerdedo non se fala doutra cousa. O sorteo da Bonoloto converteu a un dos seus en millonario. A sorte deixou na vila 1,6 millóns de euros.
Foi un dos maiores premios que este xogo de azar, impulsado por Loterías e Apostas do Estado, deixou na comarca de Pontevedra nos últimos anos.
O boleto acertante da máxima categoría foi selado no despacho de loterías situado na estrada de Ourense número 59, en pleno centro de Cerdedo.
O afortunado ou afortunada acertou os seis números da combinación gañadora, que foi a dos números 4 - 15 -16 - 22 -25 -34. O número complementario foi o 31 e o reintegro foi o 8.
Foi o único acertante de primeira categoría, polo que o máximo premio virá íntegro para Cerdedo. Só houbo outro agraciado de segunda categoría (cinco máis o complementario), en Punta Umbría (Huelva), que gañou case 136.000 euros.