66.000 euros do Plan +Provincia permitirán mellorar Costa de Arriba
Por Redacción
O Concello de Poio destinará 65.616 euros procedentes do Plan +Provincia da Deputación de Pontevedra para realizar unha intervención na que se mellorará o firme da rúa Costa de Arriba, en Combarro.
A actuación tamén permitirá mejorr os servizos básicos da rede de abastecemento e de pluviais neste punto da parroquia, que conta na actualidade, exclusivamente, con saneamento municipal.
Ángel Moldes, alcalde de Poio, recoñece que actuar nesta vía municipal é algo "prioritario" e son traballos reclamados desde hai anos pola veciñanza.
A calzada permanecía moi deteriorada e estábanse resolvendo as fochancas con parches que, segundo o alcalde, non garantían a seguridade na circulación.
O rexedor indica que este ano aposta por priorizar no plan provincial aqueles investimentos que permitan solucionar problemas e necesidades que levan esperando desde hai anos.
Desde o goberno local lémbrase que tamén se instalará, a través dos fondos do Plan +Provincia, alumeado público na Rúa do Adro e Travesía Porteliña, en San Salvador, parroquia na que tamén se acometerá a mellora da calzada no Camiño do Cemiterio e a travesía Poio de Arriba, en Encoirados.
Relacionadas:
-
Aprobada a financiación para pavimentar e ampliar a rede de pluviais no camiño do Castaño
Por Oskar Viéitez |
-
O Goberno provincial mobiliza 1,5 millóns de euros en actuacións en materia deportiva, normalización lingüística e investimentos
Por Oskar Viéitez |
-
A reforma da 3ª Travesía da Seara acometerase con fondos da Deputación
Por Oskar Viéitez |
-
Poio poñerá o nome de veciños "moi queridos" a dous viais de Raxó
Por Oskar Viéitez |
-
40.000 euros para solucionar o problema do alumeado público na Rúa do Adro e Travesía Porteliña
Por Redacción |