Sanidade divulga sobre hábitos saudables e dieta sa no Día Mundial da Obesidade
Por Redacción
Este luns 4 de marzo é o Día Mundial da Obesidade e con tal motivo a área sanitaria de Pontevedra e Salnés iniciou unha campaña de divulgación e concienciación con varias propostas que se prolongarán ata o mércores.
No Hospital Provincial e o Hospital do Salnés instaláronse mesas informativas que forman parte do Plan Obesidade Cero en Galicia da Consellería de Sanidade. Nestes puntos repártese material divulgativo para fomentar hábitos saudables e unha alimentación sa. Pola súa banda nos centros de Atención Primaria da área de Pontevedra e do Salnés tamén se dispuxeron mesas informativas atendidas polos nutricionistas das Unidades de Apoio.
Este luns comezaron na Virxe Peregrina, A Parda e Lérez de Pontevedra, así como no centro de San Roque de Vilagarcía e o de Cambados. Este martes 5 atenderán aos usuarios do consultorio de Combarro en Poio; e o mércores 6 nos centros de Atención Primaria de Vilanova e Ribadumia. Neste municipio previuse para esa xornada do mércores un taller sobre dieta saudable dirixido a alumnos de quinto e sexto curso de Primaria do CPI Julia Becerra Malvar.
Estes profesionais sanitarios da nutrición lembran que a obesidade é unha enfermidade crónica e progresiva que afecta biolóxica, psicolóxica e socialmente ás persoas.
Relacionadas:
-
Produtos galegos de calidade, dieta diaria no comedor do colexio da Lama
Por Redacción |
-
Promoven unha andaina o mércores 27 para fomentar o deporte en Ribadumia
Por Redacción |
-
A incorporación de doce ecógrafos portátiles para Atención Primaria mellorará a lista de agarda
Por Redacción |
-
David Torres, nutricionista: "Para min, superalimentos deberían ser os produtos de tempada e de proximidade"
Por Marisa Ciordia |
-
Aos rapaces pontevedreses sóbranlles quilos: 1 de cada 10 sofre obesidade e un terzo ten exceso de peso
Por Redacción |