Renovar o campo de Chan de Barcia custará máis de 300.000 euros
Por Redacción
O goberno municipal de Ponte Caldelas xa remitiu a Augas de Galicia o proxecto para renovar o campo de fútbol de Chan da Barcia, que quedou inutilizable tras as inundacións que se rexistraron no municipio o pasado mes de novembro.
Esta actuación, que sairá a licitación en canto a autorice o organismo autonómico, que ten que dar o seu visto e prace ao estar en terreos pegados ao río Verdugo, custará uns 306.000 euros.
O Concello destaca que o campo pasará a contar cunha base elástica de 15 milímetros de espesor pegada en quente, un método que evitará que volva flotar na auga.
A altura mínima do céspede será de 45 milímetros e cumprirá todos os requisitos fixados pola FIFA. Ademais, o recheo farase con area de cuarzo e granulado de caucho.
O proxecto deseñado por Ponte Caldelas incluirá ademais a substitución do actual sistema de rego por canóns emerxentes e a instalación de arquetas con filtros de retención, o que impedirá que se acumulen nelas as partículas de microplástico.
O céspede actual de Chan da Barcia, que está en bo estado, reutilizarase para crear cinco campos de fútbol de herba sintética de pequenas dimensións nos colexios Manuel Cordo Boullosa e A Reigosa e nas pistas polideportivas de Chan da Barcia, Caritel e A Reigosa.
Relacionadas:
-
Augas de Galicia autoriza a reconstrución do campo de Chan da Barcia
Por Redacción |
-
SOS da SCD Ponte Caldelas: "Necesitamos da vosa axuda para poder seguir adiante"
Por Diego Espiño |
-
Un novo céspede artificial en Chan da Barcia cunha "drenaxe especial" para soportar futuras crecidas do Verdugo
Por Diego Espiño |
-
Ponte Caldelas pide axuda a Xunta e Deputación para afrontar os danos do temporal: "Sinto rabia e impotencia"
Por Diego Espiño |
-
VÍDEO.- O temporal esnaquiza o campo de fútbol de Chan da Barcia: "É un desastre"
Por Diego Espiño |