O Consello de Administración do Porto de Marín recibe formación sobre o plan antifraude
Por Redacción
O Consello de Administración da Autoridade Portuaria de Marín mantivo a última sesión do presente ano na que recibía unha charla formativa sobre o Plan Antifraude da entidade.
Concepción Campos, doutora en Dereito, subdirectora da Rede Localis e especialista en Administración Pública, foi a encargada de explicar as medidas de control antifraude ao máximo órgano colexiado de decisión do porto, ademais de ofrecerlles información sobre o proceso de xestión de fondos Next Generation.
O Plan está deseñado para catro grandes áreas de loita contra a fraude: prevención, detección, corrección e persecución.
No documento analizado contémplase o procedemento a seguir para enfrontarse a posibles conflitos de interese. Ademais o Plan é aplicable a todas as accións e proxectos da Autoridade Portuaria que conten con financiamento europeo.
O Código de Conduta establecido recolle principios éticos que deben rexer para todo o persoal da Autoridade Portuaria en cuesiones como a igualdade, prevención, protección do medio ambiente ou o respecto ás persoas.
Relacionadas:
-
O Porto de Marín mantivo en 2023 o tráfico de mercadorías por encima dos 2,1 millóns de toneladas
Por Redacción |
-
O Porto de Marín saca a licitación a renovación dos piares da lonxa pesqueira
Por Redacción |
-
OPROMAR construirá unha planta de procesado de descartes no Porto de Marín
Por Oskar Viéitez |