Juan Picos seguirá como director en funcións na Escola de Enxeñería Forestal do campus
Por Redacción
Juan Picos Martín continuará dirixindo a Escola de Enxeñería Forestal do campus de Pontevedra despois de que non se presentaran candidaturas durante o proceso electoral aberto neste centro.
Está previsto que se convoquen novamente eleccións durante os próximos meses e, mentres tanto, o profesor do Departamento de Enxeñería dos Recursos Naturais e Medio Ambiente seguirá exercendo o cargo en funcións.
Juan Picos asume esta responsabilidade desde 2017. Exerceu previamente como secretario académico da escola e sucedeu a Enrique Valero na dirección á fronte dun equipo no que figuraban Ángeles Cancela como subdirectora e José Manuel Casas como secretario académico.
En novembro de 2020 foi reelixido para un segundo mandato consecutivo, o máximo que permite a actual normativa, co apoio unánime dos 23 integrantes da Xunta da Escola.
Durante o seu mandato, o centro lograba a concesión definitiva do selo internacional EUR-ACE, un certificado que acredita o cumprimento dos estándares europeos neste ámbito da enxeñería e que a escola lograra de maneira provisional en 2019.
Picos destaca, en declaracións realizadas ao DUVI, o reforzo das relacións da escola cos centros de formación e investigación forestal de Pontevedra e a colaboración no desenvolvemento do campus pontevedrés ao longo dos últimos anos.
Relacionadas:
-
Forestais lidera un proxecto para identificar zonas clave na prevención dos grandes incendios
Por Oskar Viéitez |
-
RADIO.- "Os lugares onde se produciron os grandes lumes de 2017 están en condicións de darnos outro gran susto"
Por Marisa Ciordia |
-
Enxeñaría Forestal estudará como incentivar os propietarios para que adapten os montes ao cambio climático
Por Redacción |
-
Xunta e Universidade comprométense a seguir fortalecendo o campus pontevedrés
Por Redacción |
-
A que se debe a falta de interese da cidadanía polos bosques?
Por Redacción |