A pontevedresa Andrea Mirón, campioa do Mundialito de fútbol praia
Por Redacción
A Selección Española de Fútbol Praia asinou un incrible dobrete no Mundialito 2022 celebrado en Gran Canaria, e no que se alzou cos títulos masculino e feminino.
Neste último tivo un papel importante, como capitá do equipo, a pontevedresa Andrea Mirón, xunto á tudense Sara González, as dúas únicas galegas do equipo.
O camiño da Selección no cadro feminino comezou imparable cun triunfo por 5-0 fronte á República Checa na primeira xornada. O sábado pola súa banda chegaría a segunda vitoria, fronte a Ucraína (5-1).
Así se chegaba ao duelo decisivo contra Inglaterra, que pese ao dominio claro na primeira metade concluiría cun apertado 4-3 no marcador para levantar o título do primeiro Mundialito Feminino.
Pola súa banda o equipo masculino de España proclamouse campión tras vencer no encontro final a Portugal.
Relacionadas:
-
Andrea Mirón queda ás portas de ser nomeada mellor xogadora de fútbol praia do mundo
Por Diego Espiño |
-
Andrea Mirón despide a tempada de fútbol praia logrando o título de liga e de Copa Federación co Melilla
Por Almu Dapena |
-
Andrea Mirón, ouro coa selección de fútbol praia tras superar a Ucraína na final dos Xogos Europeos
Por Almu Dapena |
-
A España de Andrea Mirón plántase na final de fútbol praia dos Xogos Europeos
Por Manu Otero |
-
Baltar acolle o primeiro curso Nacional B para adestradores de fútbol praia
Por Redacción |