O Galaico Sincro presume de dobre medalla no Campionato de España Alevín
Por Redacción
Dúas medallas é o balance do Club Galaico Sincro no Campionato de España Alevín de Promoción que se celebrou durante a fin de semana en Mallorca.
Ata a capital balear desprazouse unha ampla representación da entidade pontevedresa para medirse a deportistas doutros 41 clubs chegados desde toda a xeografía nacional.
Clara Maquiera sumou a primeira medalla na xornada inicial cun bronce en figuras. Xunto a ela competiron Carolina Pazos, Deva Alonso, Emma Fernández, Iria Riveiro, Luana Pariente, Lucía Riveiro, Maira Pariente, María Ferreiro, Mariña Calvo, Sofía Abal e Iván González.
A guinda puxérona na segunda xornada Clara Maquieira e Iván González no dúo mixto, competindo con outros 8 equipos para lograr a medalla de prata.
Por último nas rutinas combinadas o Galaico Sincro, co combo formado por Carolina Pazos, Clara Maquieira, Deva Alonso, Emma Fernández, Iria Riveiro, Luana Pariente, Lucía Riveiro, Maira Pariente, María Ferreiro, Mariña Calvo, Sofía Abal e Iván González conseguirían un notable posto 16.
Na clasificación final por equipos o representante pontevedrés acabou no posto 20.
Relacionadas:
-
Daniela Suárez estrea o seu palmarés internacional no Europeo de Natación Artística
Por Redacción |
-
Daniela Suárez, do Galaico Sincro, convocada pola Selección Española Infantil
Por Redacción |
-
RADIO.- O Galaico Sincro confía en volver a Ponte Muíños a próxima tempada
Por Marisa Ciordia |
-
Recepción provincial a deportistas do Club Galaico Sincro
Por Redacción |
-
O referente pontevedrés da natación sincronizada masculina en Galicia
Por Manu Otero & Mónica Patxot |
-
Competir no Campionato de España de Natación Artística, un oasis para o Galaico Sincro
Por Redacción |