O Teucro quenta o seu debut en liga cun día azul na cidade
Por Manu Otero
O Teucro conta os días para o inicio da tempada. Para quentar o debut, que será este sabado en Málaga, e enganchar á afección, o club ten deseñado para este martes o seu particular día azul. Unha xornada cargada de actos que ten como obxectivo dar o último empuxón á campaña de socios, captar novos valores para a base e presentar en sociedade aos xogadores do primeiro plantel.
"Imos facer un día azul, desde a mañá ata a noite", declarou este luns o presidente do Teucro, Carlos García Alén. As actividades comezarán ás 10.30 horas no paseo de Montero Ríos cunha sesión de partidos de balonmán na rúa aberta a todos aqueles menores que queiran achegarse a probar este deporte. "Queremos que os nenos vexan practicar balonmán na cidade e que veñan facelo connosco", dixo o director técnico da base, Milucho Pintos.
Ata as 13 horas, pasarán por este paseo varios xogadores do primeiro equipo do Teucro para compartir uns minutos de xogo cos asistentes. Ademais, o club instalará alí unha carpa para tramitar altas de novos socios e dar información sobre o funcionamento da súa escola deportiva. Así mesmo, cada un dos participantes recibirá unha camiseta de agasallo.
Non é o único acto previsto para a xornada do martes, na Praza do Teucro ás 20 horas terá lugar a presentación oficial do primeiro equipo nunha festa na que tampouco faltará a música en directo.
O obxectivo do club para esta tempada é competir polo regreso a Asobal. "O próximo ano celebramos o 75 aniversario, queremos que a cidade senta máis azul que nunca, sería bonito celebralo co ascenso", admitiu o presidente da entidade, que xa ten preparado todo un calendario de eventos conmemorativos a partir do 1 de xaneiro.
Relacionadas:
-
O Teucro pasa a primeira proba en Honra Prata ante o Ciudad de Málaga (19-23)
Por Sofía Lorenzo |
-
Primeiro partido de liga para o Teucro no que se enfronta a un recén ascendido
Por Almu Dapena |
-
O Teucro tingue Pontevedra de azul
Por Manu Otero |
-
Os xogadores do Teucro comezan o Día Azul gozando como nenos
Por Manu Otero |
-
O sorteo da Copa do Rei de balonmán depara un derbi pontevedrés na primeira rolda
Por Manu Otero |
-
Nikola Perovic resolve os seus problemas co visado e incorpórase xa ao Teucro
Por Redacción |
-
As semifinais de Copa Galicia brindan este sábado o primeiro derbi pontevedrés
Por Manu Otero |
-
O Teucro gaña os dous cruces do Triangular Peregrina e consegue o trofeo
Por Redacción & Diego Torrado |
-
O Teucro presenta a nova equipación para esta temporada
Por Almu Dapena |
-
O Teucro vai polos 1.500 socios para a próxima tempada
Por Manu Otero |
-
Sorteado o calendario da División de Honra Prata, cun derbi entre Novás e Cisne para comezar
Por Diego Espiño |