Sergio Pérez, Fischer e Samu Gómez, preto de pechar o seu novo destino lonxe do Teucro
Por Diego Espiño
Xa sen opcións de permanencia, na Sociedad Deportiva Teucro empézase a pensar na planificación da próxima tempada na que competirán na División de Honra Prata.
A renovación no conxunto pontevedrés será profunda, e non afectará só a xogadores que terminan contrato cos azuis, xa que algunhas das novas promesas que se foguearon a beiras do Lérez na máxima categoría están preto de pechar un novo destino que lles manteña na Liga Asobal.
É o caso de Sergio Pérez, un dos xogadores destacados no conxunto adestrado por Luís Montes esta tempada a pesar de ser o seu primeiro ano no Teucro e ser contratado para alternar o filial co primeiro equipo. O madrileño ten contrato en vigor, pero este mesmo martes o seu representante comunicou á directiva a intención de abonar a penalización pertinente para extinguir esta vinculación. Desta forma o seu futuro apunta cara a Huesca.
Nunha situación similar está Guillermo Fischer. O lateral arxentino é pretendido polo Anaitasuna navarro, aínda que non se estableceu polo momento negociación co clube.
Ademais outro xogador está preto de pechar o seu salto a outro equipo. Trátase do pivote Samu Gómez, ao que se vincula co BM Torrelavega, aspirante aínda ao ascenso á Asobal.
Coa continuidade no banco de Luís Montes avanzada, os cambios non quedarán aí, ao ter que decidir a que xogadores se lles ofrece a renovación e en que condicións, algo que sucederá nos próximos días, coincidindo co final da tempada.
Relacionadas:
-
O francés Christopher Corneil reforzará a primeira liña do Teucro
Por Redacción |
-
Xornada de trámite e despedidas para o Teucro na visita do Benidorm ao Municipal
Por Redacción |
-
Rial, Fischer e Sergio Pérez, primeiras baixas confirmadas polo Teucro
Por Redacción |
-
O Teucro xa é equipo de Honra Prata ao caer ante o Cangas (25-24)
Por Sofía Lorenzo & Diego Torrado |
-
Esperada derrota do Teucro ante un Barça que non deu tregua (21-35)
Por Sofía Lorenzo & Mónica Patxot |